20/11/2014 08:22:03

Terroristët paguajnë miliarda Euro dëme

Valerio Fioravanti dhe Francesca Mambro, ish-anëtarë të grupit terrorist NAR (Bërthama e armatosur revolucionare) u dënuan për të paguar 2 134 273 000 euro për presidencën e Këshillit të Ministrave dhe Ministrinë e Brendshme

ROMË - Dy ish-terroristë të djathtë, dënuar për atentatin në Bolonja që shkaktoi 85 të vdekur në vitin 1980, u dënuan sot nga një gjykatë e këtij qyteti në pjesën qëndrore të Italisë, për të paguar 2,13 miliardë euro dëme ndaj shtetit, theksoi media. Valerio Fioravanti dhe Francesca Mambro, ish-anëtarë të grupit terrorist NAR (Bërthama e armatosur revolucionare) u dënuan për të paguar 2 134 273 000 euro për presidencën e Këshillit të Ministrave dhe Ministrinë e Brendshme”, shkruan e përditshmja ”La Repubblica” në faqen e saj të internetit. ”Procesi në vazhdim para ndarjes civile nga gjykata e Bolonjës shërben vetëm për të përcaktuar dëmet, pasi dy personat janë të dënuar tashmë”, theksoi agjencia e lajmeve Ansa. Më 2 gusht 1980, një bombë shpërtheu në sallën e pritjes në stacionin e trenit në Bolonja duke shkaktuar 85 të vdekur dhe më shumë se 200 të plagosur. Valerio Fioravanti dhe Francesca Mambro u dënuan me burgim të përjetshëm për këtë atentat.

HermesNews - ©2014

Dërgo me email | Stampo artikullin