02/07/2013 10:35:01

Dorëheqje të tjera në Egjipt

Amr është anëtari më i rëndësishëm i kabinetit të ministrave që largohet nga qeveria

(17:09) Një zëdhënës i presidentit egjiptian, Mohamed Morsi dhe zëdhënësi i qeverisë dhanë sot dorëheqjen, në vazhdën e dorëheqjes së disa ministrave, cituan burime qeveritare. Zëdhënësi i presidencës, Ehab Fahmi vendosi të linte detyrën, sipas disa burimeve. Zëdhënësi i qeverisë, Ala al-Hadidi, i konfirmoi agjencisë zyrtare të lajmeve, MENA se do t'i paraqiste dorëheqjen kryeministrit, Hicham Qandil.


KAJRO - Ministri i Jashtëm egjiptian, Mohammed Kamel Amr ka paraqitur gjatë orëve të fundit dorëheqjen nga detyra, njoftoi gjatë mëngjesit të sotëm agjencia publike egjiptiane e lajmeve, MENA. Amr është anëtari më i rëndësishëm i kabinetit të ministrave që largohet nga qeveria, pas dorëheqjes së djeshme të katër ministrave të tjerë, ndër të cilët edhe ai i Turizmit. Dorëheqja e djeshme e katër minsitrave, që sot me largimin e Amr arrin në 5 anëtarë të kabinetit të larguar, erdhi një ditë pas protestave masive që kërkonin largimin nga pushteti të presidentit islamik, Mohamed Morsi.

HermesNews - ©2013

Dërgo me email | Stampo artikullin