26/10/2014 15:03:10

Krahë si të Michelle Obames

Rritet numri i operacioneve plastike tek krahët për t'i ngjarë sa më shumë modelit të zonjave të ekranit si Michelle Obama

USA - Rriten gjithnjë e më shumë kërkesat për operacione plastike apo lifting tek pjesa e krahëve. Kjo për t’i ngjarë sa më tepër modelit të zonjës sè parë amerikane, Michelle Obama, e cila me tonicitetin dhe masën muzkuloze që i japin një formë të hijshme krahëve të saj, ka frymëzuar me qindra gra amerikane për të bërë një ndërhyrje tek krahët. Moda mesa duket po fillon të përhapet edhe në Europë.

“Doktor, dua të më bësh krahët si ato të Michelle Obamës”. Shifrat flasin qartë, në Amerikë numri i operacioneve të brakioplastikës, pra i krahëve, është rritur rreth 50 herë më shumë në 10 vitet e fundit. Michelle që në daljet e saj të para publike është paraqitur me veshje me dekolte ne dukje duke tërhequr vëmendjen e shumë fansave me tonicitetin e arteve të sipërme.

Por Michelle nuk është e vetme në këtë drejtim, pasi janë të shumta divat e tjera të cilat frymëzojnë pjesën më të madhe të grave që u nënshtrohen operacioneve plastike për të pasur një paraqitje sa më të hijshme, megjithë rreziqet që kjo parashron. Shumë të preferuara janë edhe Jennifer Lopez, Madonna, Jennifer Aniston, Beyonce, etj. , por çuditërisht janë krejt të papreferuara idhuj të njohur si Victoria Beckam apo Angelina Jolie. Amerikanet i thonë jo krahëve të holla duke preferuar një trup të shëndetshëm por muskuloz dhe të tonifikuar. Shifra që shpenzojnë zonjat amerikane për t’i ngjarë sa më shumë idhujve të ekranit, është dicka rreth 9 dhe 12 mijë dollarë. Për fat të kirugëve.

Moda e estetikës së krahëve po përhapet edhe në Europë, edhe pse me ritme shumë të ngadalta në krahasim me Shtetet e Bashkuara. Kjo si duket edhe për shkak të shenjave që ky operacion lë ne mënyrë të pashmangshme mbi trupin e zonjave. Ndaj u besohen këshillave të mjekëve për të patur një efekt të tillë tek krahët por në mënyrë krejt natyrale, pa ndërhyje, duke ndjekur një dietë të përshtatshme dhe shumë gjimnastikë.

Daniela Vathi

Dërgo me email | Stampo artikullin