13/10/2013 12:30:13

Illuminum, parfumi i Kate Middleton

Parfumi që Dukesha zgjodhi për ditën e saj të dasmës

LONDER - Admiruesit e dukeshës Middleton, e sofistikuar dhe elegante, vazhdojnë të shtohen në të gjithë botën, edhe në SHBA madje. Edhe pas një viti, dasma e saj elegante me princin William mbetet e paharruar. Përveç fustanit të mrekullueshëm që do të mbetet në histori, tashmë edhe parfumi i saj po merr famë të madhe.

Bëhet fjalë për parfumin White Gardenia Petals nga Illuminum, një perzierje delikate e jaseminit dhe zambakut. Pak ditë më parë u hap në New York, në Fifth Avenue, një dyqan i kësaj firme ku mund të blihet edhe parfumi që Kate Middleton zgjodhi për ditën e saj të dasmës. Parfumi është i disponueshëm në paketat 50 ml dhe 100 ml, me një çmim rreth 150 dollarë.

Illuminum u krijua në Mbretërinë e Bashkuar në Janar të 2011 nga një grup parfumierësh anonim, të cilët krijojnë kombinime të ndryshme aromash gjithmonë me kualitet të lartë. Firma është rritur ndjeshëm falë reklamimit që dukesha Middleton i bëri duke e zgjedhur si parfumin e saj të dasmës. Na ndiqni dhe në Facebook dhe Twitter

Daniela Vathi

Dërgo me email | Stampo artikullin