03/11/2013 11:39:33

Karl Lagerfeld diskriminon vajzat mbipeshë

Nuk është hera e parë që stilisti i famshëm i Chanel shpreh komente përçmuese për femrat mbi peshë

PARIS- Nuk është hera e parë që stilisti i famshëm i Chanel shpreh komente përçmuese për femrat mbi peshë. Vitin që shkoi ai vuri në shënjestër këngëtaren Adele për peshën e saj, por pastaj shtoi edhe se vlerësonte zërin e saj dhe tiparet e ëmbla të fytyrës. Ndrësa këtë vit duket sikur komentet e tij diskriminuese u drejtohen të gjithë femrave mbi peshë.

“Askush nuk dëshiron të shohë femra të shëndosha në paserela- u shpreh ai në librin e tij të fundit- janë vetëm femrat e shëndosha ato që mendojnë se modelet janë të pavlera ndërkohë që ato vetë kalojnë kohën para televizorit, duke ngrënë patatina.

Komentet snob dhe provokuese të Lagerfeld, nxitën reagimin e shoqatës franceze “ Belle, Ronde, Sexy et je m’assume”, e cila prej vitesh nën drejtimin e Betty Aubriere merret me mbrojten e imazhit të femrës “curvy”, duke i thënë jo imazhit të një femre anoreksike, pa linea dhe shpesh herë me probleme shëndetësore per shakak të anoreksisë së detyruar. Aubriere paditi Lagerfeld duke e denoncuar për komentet e tij fyese dhe diskriminuese.

“Mjaft më me ofendimet ndaj nesh nga ana e njerëzve të famshëm si Lagerfeld. Jemi të lodhura nga këto sjellje snob! Shumë adoleshente nuk ndihen mirë me trupin e tyre, janë kaq të pasigurta në vetvete dhe komente të tilla ndikojnë shumë negativisht tek këto vajza. Kemi marrë qindra mesazhe nga gra të cilat ndihen viktima të diskriminimeve dhe ofendimive për shkak të peshës së tyre fizike. Madje situata është aq e rëndë sa shumë vajza kanë braktisur shkollën për shkak të këtyre sjelljeve përçmuese”- u shpreh Aubiere.

Një vit më parë Karl Lagerfeld i kërkoi falje Adele-s për komentin e tij. Sot për sot nuk ka ende asnjë koment apo shfajësim të “lartmadhërisë së tij” Lagerfeld në lidhje me ofendimet e fundit ! Na ndiqni dhe në Facebook dhe Twitter

Daniela Vathi

Dërgo me email | Stampo artikullin