19/10/2013 20:19:22

Marylin Monroe, ikona e Chanel n.5

Marylin Monroe, se shpejti ne publicitetin e Chanel n.5

PARIS - Në artikullin që shoqëronte kopertinën e saj të parë në Life Magazin më 7 gusht 1952, Marylin shprehej : “Në shtrat? Vesh vetëm Chanel n.5”. Asgjë më shumë për ikonën e shekullit të XX, simbol i feminilitetit dhe sensualitetit!

Parfumi i njohur Chanel n.5 ka një histori të veçantë, ndoshta është pikërisht kjo arsyeja pse konsiderohet si parfumi më joshës në botë. Mademoiselle Chanel , duke folur për Chanel n.5, duhet të ketë thënë: “Dua një parfum gruaje me aromë gruaje”.

Pas spotit reklamues të Brad Pitt, së fundmi do të bëhet testimonial i këtij parfumi vetë ikona e Holliwood-it Marilyn Monroe. Nga legjenda në realitet. Firma Chanel ka arritur të nxjerrë nga arkivat një regjistrim të pabotuar me fjalët e famshme të divës.

Në 1960, Georges Belmont, kryeredaktor i Marie-Claire, interviston aktoren pas xhirimit të filmit “Let’s make love”. Ajo përgjigjet në mënyrë spontane: “ Më pyesin shpesh se çfarë përdor për të fjetur. Atëherë unë përgjigjem: Chanel n.5, sepse është e vërtetë. Nuk dua të them nudo, por është e vërtetë”.

Falë këtyre fjalëve dhe fotos së shkrepur Marylin Monroe e kthen parfumin Chanel n.5 në një simbol të feminilitetit të pashtershëm, duke e përjetësuar në kohë. Publiciteti do të shpërndahet në vjeshtë nga të gjitha mediat botërore. Na ndiqni dhe në Facebook dhe Twitter

Daniela Vathi

Dërgo me email | Stampo artikullin