03/11/2013 16:22:33

Top modelet më të paguara në botë

Revista amerikane Forbes ka publikuar një renditje të 10 top modeleve më të paguara në botë

PARIS - Revista amerikane Forbes ka publikuar një renditje të 10 top modeleve më të paguara në botë. Nga modelet e “vjetra” renditet vetëm Kate Moss, ndërkohë që plot gjashtë prej këtyre dhjetë modeleve janë pjesë e Engjujve të Victoria’s secret.

Mesa duket përfundoi tashmë koha e “vajzave të këqija” si Naomi Campbell apo Claudia Schiffer, të cilat tërhiqnin vëmendjen e publikut me skandalet apo teprimet e njëpasnjëshme. Në klasifikimin e Forbes gjejmë edhe shumë modele që janë tashmë nëna.

Sipas klasifikimit të Forbes, në vend të parë gjejmë bukuroshen Gisele Bundchen me një rroge prej 42 milion dollarësh. Gisele është 33 vjeçe, ka dy fëmijë, e martuar me Tom Brandy dhe ish e dashura e Leonardo di Caprio-s.

Në vend të dytë vjen Miranda Kerr, 30 vjeçe, e martuar me aktorin e njohur Orlando Bloom, ka një fëmijë dhe fiton “vetëm” 7.2 milion dollarë.
E treta renditet Adriana Lima, 32 vjeçe, e martuar me Marco Jaric dhe nënë e dy fëmijëve. Në vitin e fundit ka fituar 6 milion dollarë.

Kate Moss, 39 vjeçe, është e katërta në klasifikim, e martuar me Jamie Hince, me të cilin ka një vajzë . Të ardhurat e saj gjatë vitit të fundit arrijnë në 5.7 milion dollarë.

Në vendin e pestë kemi 25 vjeçaren Liu Wen, single dhe mesa duket nuk ka pasur ish të dashur të famshëm. Të ardhurat e saj janë 4.3 milion dollarë në vit.
E gjashta renditet Hilary Rhosa, 26 vjeçe me 4 milion dollarë përfitime gjatë vitit të fundit.

Në vend të shtatë kemi Carolyn Muphy 39 vjeçe, dy herë e divorcuar dhe me një femijë. Në 2013 të ardhurat e saj arrijnë në 3.6 milion dollarë.

Me 3.5 milion dollarë në vit, renditet në vend të tetë top modelja Joan Smells, 25 vjeçe, e fejuar me drejtorin e marketingut Bernard Smith.

Në vend të nëntë vjen Candice Swanepoel, 25 vjeçe e fejuar me top modelin Hermann Nicoli, me 3.3 milion dollarë përfitime në vit.

Në vend të fundit, në klasifikimin e Forbes, gjendet 29 vjeçarja Lara Stone, e martuar me komikun David Williams me të cilin ka një djalë. Të ardhurat e saj për vitin e fundit shkojnë në 3.2 milion dollarë.

Daniela Vathi

Dërgo me email | Stampo artikullin