09/03/2014 13:14:47

Transformimi i Naomi Campbell

Naomi Campbell me nje look te ri befasues

HermesNews - E ftuar në një trasmision televiziv në New York , top modelja Naomi Campbell, 43 vjeç, është paraqitur me një pamje që i ka befasuar të gjithë telespektatorët.

Flokët e saj të zeza e të gjata me të cilat arriti majat e famës janë transformuar komplet saqë Naomi pothuajse nuk njihet.

Me një krehje stil afrikan me kaçurela të imëta e të shkurtra, Naomi ka ndryshuar komplet dhe mesa thuhet arsyeja nuk është vetëm estetike apo një kapriço e modeles.

Prej kohësh ajo humbiste shumë flokë, ndoshta për shkak të lyerjeve dhe ndërhyrjeve të tepruara, saqë shpesh ishte e detyruar të mbante paruke për të mos vënë në dukje problemin e saj.

Me flokë të gjata apo të shkurtra, të drejta apo kaçurela, Naomi është po Naomi, pantera e zezë që sfidon kohën dhe pasarelat...

Daniela Vathi

Dërgo me email | Stampo artikullin