22/01/2013 09:51:28

Siri: OKB fajëson Qeverinë si përgjegjëse për vrasjet

Kreu i OKB-së dhe Brahimi, gjatë takimit të zhvilluar, shprehën një zhgënjim të fortë për mungesën e një qëndrimi unitar dhe të përbashkët nga ana e faktorëve të komunitetit ndërkombëtar mbi çështjen e krizës në Siri

NEW YORK - Sekretari i përgjithshëm i OKB-së Ban Ki-moon zhvilloi një takim, në Pallatin e Xhamtë, me përfaqësuesin e posaçëm ndërkombëtar për Sirinë, Lakhdar Brahimi për të diskutuar mbi zhvillimet më të fundit të situatës në vendin e Lindjes së Mesme.

Të dy diplomatët shprehën shqetësim të thellë dhe keqardhje për degjenerimin e krizës, shkatërrimin e vendit dhe vrasjet, pët të cilat u shprehën se ''përgjegjës ishin si qeveria e Damaskut, po ashtu edhe forcat opozitare të regjimit të Bashar al Assad'', të mbështetur nga fuqitë e huaja që i furnizojnë ato me armatime.

Kreu i OKB-së dhe Brahimi, gjatë takimit të zhvilluar, shprehën një zhgënjim të fortë për mungesën e një qëndrimi unitar dhe të përbashkët nga ana e faktorëve të komunitetit ndërkombëtar mbi çështjen e krizës në Siri.

''Një uniteti i tillë është i domosdoshëm, për të mundësuar vazhdimin e procesit të tranzicionit të përcaktuar në Gjenevë, qershorin e kaluar dhe për t'i dhënë fund masakrave të civilëve'', theksuan Ban Ki-moon dhe Lakhdar Brahimi.

HermesNews - ©2013

Dërgo me email | Stampo artikullin