29/04/2014 16:13:49

Presidenti humbet pikë në sondazhin e fundit

Amerikanët tolerojnë më pak politikat e tij dhe menaxhim e krizës në Ukrainë

WASHINGTON - Shumica e amerikanëve nuk janë dakord me politikat e presidentit të tyre për çështjet e ekonomisë dhe të shëndetësisë si dhe menaxhimin e krizës në Ukarinë. Sondazhi i ri i bërë në SHBA, nxjerr një rënie popullariteti të një prej njerëzve më të fuqishëm të planetit, Barack Obama. "Niveli i miratimit të presidentit amerikan ra në 41 për qind në prill kundrejt 46 për qind gjatë tremujorit të parë të vitit", shkruan Washington Post dhe ABC News. Niveli i mospranimit është në 52 për qind kundrejt 50 për qind që ishte në fillim të vitit 2014. 42 për qind e të pyeturve miratojnë menaxhimin e ekonomisë dhe 37 për qind pëlqejnë mënyrën si ka aplikuar ligjin e ri të shëndetësisë të mbiquajtur Obamacare, reforma e tij kryesore, që u përball me fillime të vështira, por që në fund arriti më shumë se shtatë milionë firma sikurse shpresonte administrata Obama: 34 për qind e të pyeturve janë të kënaqur me mënyrën e menaxhimit të krizës në Ukrainë, sipas këtij sondazhi.

HermesNews - ©2014

Dërgo me email | Stampo artikullin