10/07/2013 19:58:17

Arestohet opozitari dhe bloggeri anti Putin

Policia e arrestoi Navalnin ndërkohë që ai i drejtohej komisionit zgjedhor dhe shtypit, i rrethuar nga 200 mbështetës

MOSKË - Opozitari kryesor rus, Aleksei Navalni u arrestua sot pas hedhjes së kandidaturës për pozicionin e kryetarit të bashkisë së Moskës në zgjedhjet që priten të zhvillohen në shtator. Policia e arrestoi Navalnin ndërkohë që ai i drejtohej komisionit zgjedhor dhe shtypit, i rrethuar nga 200 mbështetës të cilët brohorisnin: "Navalni është kryebashkiaku ynë!".

"Veprimet tuaja janë të paligjshme", u shprehën disa prej policëve para se të shoqëronin Navalnin drejt makinës së tyre. Ai u lirua sërish, pasi mbështetësit rrethuan makinën e policisë, duke vonuar nisjen e saj.

Navalni është aktualisht në pritje të gjykimit të tij për përvetësim fondesh, që do të mbahet më 18 korrik. Prokuroria ka kërkuar dënimin e tij me gjashtë vjet për këtë çështje. Paditësi i tij ka dëshmuar se Navalni ka përdorur çdo lloj mjeti për ta bërë të heshtë.

Zgjedhjet e parakohshme për bashkinë e Moskës, me vendim të kryebashkiakut aktual Sergei Sobianin, do të zhvillohen 8 shtatorin e ardhshëm.

HermesNews - ©2013

Dërgo me email | Stampo artikullin