26/03/2013 15:07:17

Moti i keq, 25 viktima në Poloni vetem gjate muajit Mars

Temperaturat kanë rënë në verilindje të vendit deri në -15 gradë Celcius gjatë ditës dhe deri në -24 gradë Celcius

VARSHAVË - Të paktën 25 persona kanë humbur jetën nga temperaturat e ulëta në Poloni, që nga fillimi i marsit duke e çuar bilancin në 175 të vdekur që nga fillimi i dimrit, bënë të ditur burime zyrtare vendase. Ditët e fundit, temperaturat kanë rënë në verilindje të vendit deri në -15 gradë Celcius gjatë ditës dhe deri në -24 gradë Celcius gjatë natës duke shkaktuar pesë të vdekur që nga 21 marsi. Muaji më i përgjakshëm mbetet dhjetori me 62 të vdekur, kundrejt 55 të vdekur në janar. Dimrin e kaluar, rreth 200 persona në total humbën jetën nga hipotermia. Shumica e viktimave ishin të pastrehë.

HermesNews - ©2013

Dërgo me email | Stampo artikullin