21/05/2013 18:02:48

Asteroidi që do të prekë Tokën

Me një diametër prej 2.7 kilometra, ky asteroid mund të përbëjë një rrezik për Tokën

NASA - Asteroidi 1998 QE2 , i zbuluar 15 vjet më parë nga shkencëtarët e Nasa-s falë teleskopit Linear, do të prekë planetin tonë më 31 maj. Me një diametër prej 2.7 kilometra, ky asteroid mund të përbëjë një rrezik për Tokën.

Gjithsesi, falë Jet Propulsion Laboratory të NASA-s , që monitoron të gjithë trupat që ndodhen në orbitën rreth planetit tonë, jemi në dijeni se asteroidi në fjalë do të kalojë me një distancë 5.8 milion kilometra nga Toka, që do të thotë 15 herë distancën që ndodhet mes Tokës dhe Hënës. Gjatë kalimit të tij në pranësi të Tokës, jo të gjithë do mund ta shohin trupin qiellor, vetëm radioskopet dhe teleskopet më të avancuar do të mund ta vëzhgojnë.

Ende nuk dihet nga e ka prejardhjen ky trup, por sipas disa teorive shkencore mund të jetë një kometë e vjetër që është shpërbërë për shkak të kohës që ka kaluar në pranësi të diellit, i cili ka shkrirë pjesën e jashtme të sipërfaqes së tij. Afrimi ndaj Tokës përbën edhe një mundësi të cmuar për të studjuar më nga afër karakteristikat dhe origjinën e tij. Sic thekson astronomi Lance Benner mund të mos e shohim më asteroidin për dy shekuj të tërë.

Duke konsideruar numrin e madh të trupave qiellor, edhe me masë të madhe, që arrijnë periodikisht në orbitën e planetit tonë, si për shembull asteroid i 15 shkurtit të shkuar që shkaktoi 1300 të plagosur në Rusi, NASA ka vendosur të rrisë buxhetin për kërkimet dhe studimet mbi trupat qiellor nga 6 deri në 20 milion Dollarë.
Së fundmi është aprovuar një projekt, i quajtur Osiris Rex, i cili falë lancimit të një sonde në hapësirë e parashikuar për 2016 do të mund të mbledhë kampione të masave mesatare të asteroideve dhe lloje të tjera trupash qiellor.

Daniela Vathi

Dërgo me email | Stampo artikullin