18/03/2013 18:22:22

Të gjithë menduan se do të ishte shpërthim

Policia e Floridas zbulon vetëvrasje në Universitet

MAJEMI - Kampusi i Universitetit të Floridas u mbyll sot pas zbulimit të një mekanizmi shpërthyes nga policia, ku u gjet gjithashtu trupi i pajetë i një personi, i cili mund të kishte kryer vetëvrasje. "Policia u thirr në vendngjarje për një zjarr rreth orës 04:20 GMT. Në këtë moment, mori një thirrje tjetër lidhur me një person të armatosur", theksuan burime zyrtare vendase. "Kur policia mbërriti, gjeti trupin e një personi, i cili mund të kishte kryer vetëvrasje me armë zjarri. Duke hetuar në vendgjarje, policia gjeti disa armë dhe një mekanizëm shpërthyes", shtuan burime zyrtare vendase. Kampusi i universitetit, që ndodhet në Orlando, në qendër të Floridas, u mbyll deri në mesditë. Sipas mediave vendase, rreth 500 studentë u evakuan nga policia gjatë natës.

HermesNews - ©2013

Dërgo me email | Stampo artikullin