21/05/2013 18:00:33

Shpërthim gjigant në Hënë shkaktuar nga një meteorit

Shpërthimi më i shëndritshëm i parë deri tani, si pasojë e përplasjes së një meteoriti me sipërfaqen e Hënës

NASA - Impakti i një meteoriti mbi sipërfaqen e Hënës ka krijuar një shpërthim gjigant i cili mund të shihej me sy për disa caste edhe nga Toka. Në të vërtetë ky impakt nuk është i pari, por i fundit i një “reshje meteoritësh” (rreth 300) që kanë rënë mbi sipërfaqen e satelitit tonë nga viti 2005 deri më sot.

Meteoriti me një diameter prej më pak se gjysmë metri dhe një peshë prej 40 kilogram, ka goditur një pjesë të Hënës e njohur si “Mare Imbrium” duke shkaktuar një krater me diametër prej 20 metrash. “Guri hapësinor” ka pasur një impakt aq të shpejtë me sipërfaqen e satelitit saqë energjia eç liruar mund të krahasohet me atë të shpërthimit të 5 tonelatave tritol.

“Ka shkaktuar një dritë 10 herë më të madhe nga c’jemi mësuar të shohim deri tani” – komenton Bill Cooke i Meteoroid Environment në NASA.
Dhe në fakt, kushdo që të kishte vëzhguar me kujdes hënën në ato momente, mund të kishte parë dritën e madhe të cliruar nga impakti pa nevojën e ndonjë teleskopi. Për rreth një sekond, vendi i impaktit ka ndricuar sa një yll në shkallën e katërt të magnitudos.

“Gjatë natës së 17 marsit- kujton Cooke- telekamerat e NASA-s dhe të University of Western Ontario kanë kapur një numër të pazakontë meteoritesh në Tokë. Këta “topa të zjarrtë” po udhëtonin në orbita pothuajse identike mes Tokës dhe fashës së asteroideve. Kjo mund të nënkuptojë që planeti ynë dhe Hëna janë goditur nga më shumë meteorite njëkohësisht.
“Hipoteza ime është se dy ngjarjet kishin lidhje me njëra tjetrën”- thotë eksperti.

Daniela Vathi

Dërgo me email | Stampo artikullin