15/03/2013 11:23:50

Bullgaria shpërndan Parlamentin

Vendi drejtohet tashmë nga një qeveri e përkohshme e përbërë nga ekspertë që do të përgatisin zhvillimin e zgjedhjeve të parakohshme më 12 Maj

SOFJE - Parlamenti bullgar u shpërnda, ashtu si ishte parashikuar, dy muaj para përfundimit të mandatit, ndërkohë që vendi drejtohet tashmë nga një qeveri e përkohshme e përbërë nga ekspertë që do të përgatisin zhvillimin e zgjedhjeve të parakohshme më 12 maj. Qeveria e përkohshme, e drejtuar nga ish-ambasadori i Bullgarisë në Francë, Marin Raykov, mori dje funskionet e tij. Protestat në mbarë vendin, kundër varfërisë dhe korrupsionit të elitave politike, detyruan kryeministrin konsevator, Boïko Borissov të jepte dorëheqjen më 20 shkurt. Opozita kritikoi ashpër qeverinë në largim. "Qeveria e GERB tregoi se një pushtet autoritar mund të ekzistojë edhe në kuadër të një kushtetute demokratike, nëse shoqëria civile është e dobët dhe nëse vlerat demokratike ia lënë vendin populizmit'', theksoi lideri i partisë liberale i minoritetit turk MDL, Lutvi Mestan gjatë debateve në Parlament.

HermesNews - ©2013

Dërgo me email | Stampo artikullin