09/01/2014 09:13:22

Që sot pezullohen vizat për vendet me azilantë të rremë

Cierchone tha se disa vende, në mesin e të cilave edhe Gjermania, janë të shqetësuara për shkak të keqpërdorimit të të drejtës për azil nga ana e qytetarëve të Serbisë, Maqedonisë dhe Bosnjes

BRUKSEL - Asnjë vend anëtar i BE-së nuk ka kërkuar ndërprerjen e lehtësimit të vizave për vendet e Ballkanit Perëndimor, njoftoi sot Komisioni Europian. "Nuk ka asgjë për t’u shënuar në tre javët e fundit", theksoi Michele Cierchone, zëdhënës i komisioneres së Bashkimit Evropian për Cështjet e Brendshme, Cecilia Malmstrom. Mekanizmi, i cili parasheh ndërprerje të përkohshme të regjimit pa viza për vendet nga të cilat mbërrijnë azilantë të rremë, hyn në fuqi nesër. Cierchone tha se disa vende, në mesin e të cilave edhe Gjermania, janë të shqetësuara për shkak të keqpërdorimit të të drejtës për azil nga ana e qytetarëve të Serbisë, Maqedonisë dhe Bosnjes, por procedura formale për rivendosjen e vizave nuk kanë filluar në asnjë rast.Nëse vlerësohet se rivendosja e vizave është mënyra e vetme për zgjidhjen e kësaj çështjeje, komisioni si masë të fundit mund t’ia rekomandojë Këshillit Europian që ajo të zbatohet. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin