25/09/2013 15:01:42

Pakistan: mbi 250 viktima nga tërmeti në Pakistan

Bilanci mund të rritet edhe më tej

AWARAN - Tërmeti i fuqishëm, që goditi dje, një rajon në Pakistan shkaktoi mbi 250 të vdekur dhe qindra të plagosur, bënë të ditur sot burime zyrtare vendase. Tërmeti me magnitudë 7,7 ballë, që u regjistrua dje, në qytetin Awaran, në provincën e Baluçistanit, në jugperëndim të vendit, shkatërroi banesa të shumta dhe tronditi Indinë dhe në Iranin fqinj. Sipas bilancit të fundit, mbi 250 persona mbetën të vdekur dhe qindra të tjerë janë plagosur nga ky tërmet. Autoritetet besojnë se bilanci mund të rritet edhe më tej. "Gjashtë rajone duke përfshirë Awaran, Kech, Gwadar, Panjgur, Chaghi et Khuzdar u goditën nga tërmeti", deklaroi Jan Muhammad Baledi, një zyrtar i lartë vendas. Tërmeti tronditi qytetet e mëdha në jug të Pakistanit, ashtu si metropolin ekonomik të Karaçit. Në prill, një tërmet i fuqishëm në lindje të Iranit shkaktoi 41 të vdekur duke përfshirë 40 në një qytet në provincën e Baluçistanit. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin