24/07/2013 13:57:39

Putin së shpejti në Iran

Vizita është planifikuar për datat 12-13 Gusht

MOSKË - Presidenti rus, Vladimir Putin do të zhvillojë një vizitë në Iran, gjatë muajit gusht, pas betimit të presidentit të ri iranian, Hassan Rohani, në përpjekje për të rifilluar negociatat mbi çështjen bërthamore iraniane, bëri të ditur sot e përditshmja ruse, Kommersant. "Vizita është planifikuar për datat 12-13 gusht", theksonte një burim i afërt me Ministrinë e Jashtme iraniane, i cituar nga gazeta. "Kremlini shpreson të përfitojë nga ardhja në pushtet e presidentit të ri, Hassan Rohani për të rifilluar negociatat mbi programin bërthamor iranian", shtonte gazeta. Rusia dhe Shtetet e Bashkuara të Amerikës janë shprehur "optimiste" mbi çështjen e programit bërthamor të Iranit, pas zgjedhjes së Rohanit në qershor.

HermesNews - ©2013

Dërgo me email | Stampo artikullin