26/03/2013 09:32:13

Tërmet 6,2 ballë në Guatemala

Asnjë lajm për viktima dhe të plagosur. Vendi u godit nga një tërmet i fortë në të kaluarën, që solli më shumë se 23,000 viktima

WASHINGTON - Një tërmet me magnitudë 6,2 ballë të shkallës Rihter tronditi dje Guatemalën, bëri të ditur sot Instituti amerikan i Gjeofizikës (USGS). "Tërmeti u lokalizua rreth orës 17:02 ose 23:02 (ora lokale), rreth 10 kilometra në juglindje të kryeqytetit dhe rreth 200 kilometra në thellësi", theksoi USGS. Tronditja u ndje gjithashtu në Salvador, ku nuk u raportuan viktima. Guatemala është një vend i Amerikës Qendrore, që ndodhet në një zonë tektonike. Vendi është goditur nga tërmete të fuqishme në të kaluarën, kryesisht nga ai me magnitudë 7,5 ballë të shkallës Rihter, që shkaktoi më tepër se 23 000 të vdekur më 4 shkurt të vitit 1976.

HermesNews - ©2013

Dërgo me email | Stampo artikullin