02/05/2013 10:36:24

Agimi i Arte, kundër policisë greke

Policia përdor gaz lotsjellës kundër anëtarëve të Agimit të Artë, që shpërndanin ushqim falas

ATHINË - Policia greke përdori sot në mëngjes gaz lotsjellës, në sheshin Sintagma, për të penguar pjesëtarët e partisë neofashiste "Agimi i Artë" që po organizonin një aksion për ndarjen e ushqimit falas vetëm për qytetarët grekë, njoftoi nga Athina korrespondenti i agjencisë maqedonase të lajmeve, MIA.

''Policia sot në mëngjes ishte në shesh, pasi kryebashkiaku i Athinës, Jorgos Kaminis kishte kërkuar nga ministri i Rendit publik, Nikos Dendias që forcat për zbatimin e ligjeve të ndërhynin dhe ta pengonin partinë neofashiste për organizimin e kësaj ngjarjeje'', tha ai.

"Agimi i Artë" paralajmëroi dje se po planifikonte ndarjen e ushqimeve para Parlamentit në prag të Pashkëve. Kaminis theksoi se ngjarja e bamirësisë ishte e paligjshme. Ai theksoi se nuk do të lejohen të organizohen ngjarje që nxisin urrejtje. "Agimi i artë" edhe vitin e kaluar organizoi një ngjarje të tillë në sheshin "Sintagma".

HermesNews - ©2013

Dërgo me email | Stampo artikullin