02/06/2014 15:01:09

Bashkimi Europian si projekt për paqen

Bushati në takimin e ministrave të jashtëm të 18 vendeve anëtare të BE-së

TIRANË - Kryediplomati shqiptar, Ditmir Bushati, në datën 2- 3 qershor 2014, do të marrë pjesë në punimet e Këshillit të Ministrave të Jashtëm të vendeve anëtare të Nismës së Europës Qëndrore (CEI), që zhvillohet në Vjenë. Sipas njoftimit zyratr, në takim do të marrin pjesë ministrat e jashtëm të 18 vendeve anëtare, si dhe të ftuar në nivele të larta nga Komisioni Europian, Këshilli i Evropës, si dhe një varg organizatash e institucionesh të tjera aktive në rajon. Në këtë aktivitet, presidenca austriake ka ftuar edhe një delegacion të Republikës së Kosovës, të kryesuar nga Ministri i Jashtëm, Enver Hoxhaj. Në këtë konferencë të nivelit të lartë, ku pritet të marrin pjesë edhe Komisioneri Fyle, si dhe ministrat e jashtëm të Greqisë e të Italisë, në emër të presidencës aktuale dhe të ardhshëm e BE-së, do të diskutohet mbi: Bashkimi Europian si projekt për paqen.

HermesNews - ©2014

Dërgo me email | Stampo artikullin