01/05/2014 15:07:06

1 Maji me protesta në Selanik

Kundër masave shtrënguese të qeverisë

ATHINË - Mijëra persona manifestuan sot në Athinë dhe në Selanik (veri) kundër masave shtrënguese dhe për një Evropë sociale, duke bërë thirrje se pasuria ishte rezultat i përpjekjeve të punëtorëve. “Pasuria është prodhuar nga vetë punëtorët dhe jo nga ana e kapitalistëve”, thërrisnin protestuesit në Athinë, ku dy parada të ndryshme janë mbajtur me thirrjen e sindikatave. Flamuri i sindikatës ishte në krye, i pasuar nga Fronti i punëtorëve pranë Partisë Komuniste, mblodhën së bashku rreth tetë mijë demonstrues në qendër të qytetit, sipas policisë. Ata marshuan me qetësi deri në sheshin “Sintagma”, simbol i protestave, sheshi poshtë parlamentit. Një organizim i dytë prej disa qindra personash u grumbullua në një shesh pranë “Sintagmas” nga kompanitë kryesore të sektorit privat (GSEE) dhe atij publik (ADEDY). “Kurrë më sërish 1 Maj në papunësi”, shkruante një banderolë.

HermesNews - ©2014

Dërgo me email | Stampo artikullin