13/02/2013 04:31:47

Qentë na kuptojnë shumë mirë !

Për vite me radhë, pronarët e qenve janë shprehur se ata janë kafshë të zgjuara dhe se mund t'i kuptojnë, por një pretendim i tillë nuk është provuar asnjëherë shkencërisht

LONDËR - Qentë, ka më shumë gjasa, ta hanë ushqimin kur askush nuk i shikon, sipas një studimi, që provon se "miqtë tanë" me katër këmbë janë në gjendje të kuptojnë mirë pikëpamjen njerëzore. Për vite me radhë, pronarët e qenve janë shprehur se ata janë kafshë të zgjuara dhe se mund t'i kuptojnë, por një pretendim i tillë nuk është provuar asnjëherë shkencërisht.

Në përpjekje për të kuptuar mënyrën se si funksion lidhja e njeriut me qenin, ekspertë të veterinerisë kryen një testim me disa mijëra qen, të cilëve u thuhej që nuk duhet të hanin nga pronarët e tyre. Në vëzhgimin e tyre, me pronarët pranë dhe të lënë vetëm, u arrit në përfundimin se kafshët nuk kanë një sjellje të njëjtë.

Ata kanë katër herë më shumë shanse që të hanë në mënyrë të paautorizuar kur pronarët nuk janë rreth e rrotull, një shenjë kjo që tregon se kafsha e kupton psikologjinë e njeriut dhe i frikësohet pasojave që mund të vijnë nga shkelja e urdhërit për të mos ngrënë.

Ajo që kemi arritur të zbulojmë është veçanërisht e rëndësishme, pasi tregon se qentë arrijnë të kuptojnë atë që njerëzit nuk e mendonin më parë. Kjo do të thotë se ata janë në gjendje të kuptojnë dhe të veprojnë në bazë të perspektivës njerëzore.

HermesNews - ©2013

Dërgo me email | Stampo artikullin