01/06/2014 13:09:44

Deklarata provokuese ndaj kines

Delegacioni kinez (…) mendon se fjalimet e Abes dhe Hagel ishin një veprim provokues kundër Kinës

SINGAPOR - Kina dënoi sot kryeministrin japonez, Shinzo Abe dhe sekretarin amerikan të Mbrojtes, Chuck Hagel për deklarat provokuese kundër Pekinit. “Delegacioni kinez (…) mendon se fjalimet e Abes dhe Hagel ishin një veprim provokues kundër Kinës”, deklaroi zëvendësgjenerali, Wang Guanzhong, zëvendësshef i shtabit të përgjithshëm të Ushtrisë për Lirinë e popullit, pas paralajmërimit për Kinën nga Hagel kundër veprimeve destabilizuese në Detin e Kinës. Duke lënë mënjanë fjalimin e tij të përgatitur, Wang Guanzhong theksoi, para një audience zyrtarësh të mbledhur për një forum mbi sigurinë në Singapor, që fjalimet e dy krerëve politikë, amerikan dhe japonez, ishin të papranueshme. Ai akuzoi kryeministrin japonez dhe sekretarin amerikan të Mbrojtjes për koordinim të deklaratave të tyre.

HermesNews - ©2014

Dërgo me email | Stampo artikullin