07/01/2013 16:23:34

Italia dhe Zvicra ndajnë paratë e Casalesi-t

Një prokuror në Napoli ka urdhëruar konfiskimin e fondeve në një rrjet bankash zviceriane, të cilat do të ndahen gjysma në drejtim të financave italiane dhe gjysma tjetër në drejtim të atyre të Zvicrës

ROMË - Italia dhe Zvicra do të ndajnë një shumë prej 13.8 milionë eurosh, të konfiksuar nga llogaritë bankare zviceriane të klanit Casalesi pjesë e mafjes napolitane Camorra, njoftuan burime zyrtare përmes një deklarate.

Një prokuror në Napoli ka urdhëruar konfiskimin e fondeve në një rrjet bankash zviceriane, të cilat do të ndahen gjysma në drejtim të financave italiane dhe gjysma tjetër në drejtim të atyre të Zvicrës.

Klani Casalesi ka qenë baza ku është përqëndruar Roberto Saviano për librin e tij 'bestseller', të vitit 2006, të titulluar ''Gomorrah: Mafja Tjetër e Italisë'', që u shndërrua në film dhe ka arritur të fitojë çmimin e dytë në festivalin e Kanës, në vitin 2008.

Saviano aktualisht jeton nën mbrojtjen 24-orëshe në shtatë ditë të javës të ekipive të posaçme policore, pas kërcënimeve me vdekje që ka marrë nga bosët e klanit Casalesi.

HermesNews - ©2013

Dërgo me email | Stampo artikullin