19/02/2014 15:32:16

Në konsultime mbërrin dhe Grillo: polemika për transmetimin

Lëvizja 5 Yje dërgon Grillon te Renzi për konsultime kundër dëshires së tij. Ai prezantohet, por eviton konfrontimin demokratik. I drejtohet kandidatit për kryeminister: 'Ke kohë 3 minuta, nuk kemi kohë për ty, nuk kemi kohë për të humbur'. Sekretari i PD i përgjigjet: 'Nuk është trailer i spektaklit tënd'

HermesNews - Takimi i konsultimit ndërmjet Mateo Renzi dhe Beppe Grillo është transmetuar direkt siç ishte parashikuar, por me shumë se një takim ishte një monolog.

S'ka vlejtur për asgjë mendimi i djeshëm i grilinëve që kishin votuar në formë demokrate për takimin: lideri i lëvizjes 5 yjet ka preferuar të presë rastin për të bërë monologun e rastit e të sulmojë kandidatin për kryeministër pa i dhënë mundësi të replikojë.

"Ke 3 minuta kohë, nuk kemi kohë për ty, nuk kemi kohë për të humbur", ka debatuar Beppe Grillo, duke ndërprerë në fakt çdo frasë që thuhej nga sekretari i PD-së.

"Ju falenderoj që pranuat ftesën për konsultime. Për atë çfarë na takon nuk ju kërkojmë asnjë akord të stilit të vjetër, nuk jemi këtu për t'ju kërkuar besimin tuaj", është shprehur Renzi.

"Po më habit me këtë edukatë dhe kulturë që nuk më kërkon asgjë atëherë për çfarë po takohemi?", ka replikuar lideri i lëvizjes 5 Yje, para se të sulmojë. "Jemi ketu për të shprehur të gjithë indinjimin tonë për atë çfarë ti përfaqëson, nuk na intereson, përfaqëson De Benedettin dhe industrialet, bën të riun po nuk je. Nuk të jap besimin jo ty si person, por për atë që ti përfaqëson. Ti nuk je i besushëm. Ti je i ri, por edhe shumë i vjetur. Unë të kam tallur, por shpresoj të mos jesh ofenduar".

Renzi provon të kundërsulmojë: "Nuk është reklama e një spektakli tënd", thotë Renzi, "Nuk e di nëse je keq për para shitjesh dhe nëse po, të ndihmoj. Por populli yt të ka kërkuar të më takosh por ti nuk ke qenë kurrë demokratik. Dil nga blogu yt !".

"Jemi këtu vetëm për të të thënë se nuk kemi aspak besim tek ty", rithekson Grillo duke përshendetur e braktisur sallën.

Debati i Grillit vazhdon në konferencën në fund të takimit: "Nëse do ishte për mua nuk do vija. Kam ardhur për rrjetin. Kemi votuar e kemi ardhur sepse kemi një princip demokracie. Mazhoranza e të votuarve na tha të iknim. Por nuk kishim se çfarë të zgjidhnim sepse nuk më intereson të flas me një sistem që po mundohem ta eleminoj", tha duke sulmuar përsëri Renzin.



Na ndiqni dhe në Facebook dhe Twitter

HermesNews ©2014

Dërgo me email | Stampo artikullin