11/06/2013 15:51:42

Frigoriferi pa korent: shpikja e Caterina Falleni-t

Caterina, një studente italiane që fitoi një bursë studimi në Singularity University, u bë e njohur nga të gjithë për idetë e saj përparimtare përsa i përket shpikjeve të reja teknologjike

NASA - Para më shumë se një muaji Caterina dhe zbulimi i saj i frigoriferit pa elektricitet bënë lajm në të gjitha gazetat. Caterina, një studente italiane që fitoi një bursë studimi në Singularity University, u bë e njohur nga të gjithë për idetë e saj përparimtare përsa i përket shpikjeve të reja teknologjike.

Ajo mendon se studimet jashtë vendit të saj e kanë shtyrë që të ketë një vizion më të gjerë të botës në përgjithësi . Kështu ajo ka filluar ta shohë botën pa ato pengesat dhe limitet që e tundonin më parë. Duhet vendosmëri dhe këmbëngulje për të arritur atë që dëshiron.

Ajo mendon se projekti i saj, Freeijis, pra frigoriferi pa elektricitet, do të ishte shumë më i nevojshëm në vendet e varfëra të cilët nuk kanë mundësi të vënë në punë pajisjet teknologjike moderne si në vendet e Perëndimit.

Freeijis është i bazuar në idenë e evaporative cooling, i njëjti mekanizëm që me anë të djersitjes rregullon temperaturën e trupit. Edhe vetë fjala Freeijis përbëhet nga tre elemente domethënëse: Free, Iji (i freskët, në gjuhën swahili) dhe S, simboli i entropisë.

Pasi përfundoi studimet në Singularity University, ajo vazhdon ende të bashkëpunojë me grupin e miqëve dhe po përgatisin projektin Axelera, një platformë online për të njohur më mirë dinamikat dhe teknologjitë eksponenciale dhe për të favorizuar krijimin një lidershipi italian në këtë fushë.

Daniela Vathi

Dërgo me email | Stampo artikullin