30/04/2013 09:44:24

Kepler zbulon dy planete të ngjashëm me Tokën

Ky satelit ka zbuluar tashmë 5 planete të reja që rrotullohen rreth yllit Kepler 62, me veti shumë të ngjashme me ato të planetit tonë

NASA - Sateliti Kepler i NASA-s sapo ka zbuluar dy planete të ngjashëm me Tokën, të cilët kanë karakteristikat e duhura për të lejuar që të ketë jetë.

Saktësisht ky satelit ka zbuluar tashmë 5 planete të reja që rrotullohen rreth yllit Kepler 62, me veti shumë të ngjashme me ato të planetit tonë. Dy prej tyre janë të rëndësishëm në vecanti sepse rrotullohen në zonën që mendohet të jetë “e jetueshme”, sepse marrin një sasi të duhur të rrezeve të diellit dhe, si rrjedhojë, uji në sipërfaqe mund të mbahet në formë të lëngshme duke bërë të mundur jetën në këto planete.

Sipas kërkuesve të Notre Dame University në Indiana, këto janë dy planetet më të ngjashëm me Tokën që kemi hasur deri tani. E rëndësishme të kujtohet se në Janar, Kepler kishte zbuluar një tjetër planet me këto karakteristika dhe kështu numri i planetëve të zbuluar gjithsej në zonën “e jetueshme” arrin në 11.

Ky satelit që u hodh në hapësirë në 2009-ën ka arritur suksese të dukshme duke identifikuar 2.756 kandidate, 351 prej të cilëve kanë të njejtat karakteristika me Tokën. Numri i zbulimeve vazhdon të shtohet cdo ditë e më shumë, ndërkohë që sipas astronomëve të Harvard Smisthonian Center for Astrophysics në galaksinë në të cilën bëjmë pjesë edhe ne, gjenden së paku 17 miliard planete rreth yjeve.

HermesNews - ©2013

Dërgo me email | Stampo artikullin