20/03/2013 11:02:25

Rrëshqitjet e dherave shkaktuan 27 viktima në Brazil

Reshjet shkaktuan 18 të plagosur: 1 466 persona janë larguar nga banesat

RIO DE ZHANEIRO - Të paktën 27 persona kanë humbur jetën nga përmbytjet dhe rrëshkitjet e dherave të shkaktuara nga reshjet e dendura të shirave në rajonin turistik Petropolis, një zonë malore në Rio de Zhaneiro, bënë të ditur sot burime zyrtare vendase. Një bilanc i mëparshëm njoftonte për 16 të vdekur. "Tre trupa të pajetë u gjetën dje pranë një lumi", theksuan burimet zyrtare vendase. Dy persona të skuadrave të shpëtimit humbën jetën. Reshjet e dendura të shirave shkaktuan gjithashtu të paktën 18 të plagosur dhe 1 466 persona janë larguar nga banesat e tyre. Në janar të vitit 2011, më tepër se 900 persona kanë humbur jetën në rajonet e Rio de Zhaneiro për shkak të motit të keq, që kanë shkaktuar përmbytje dhe rrëshkitje të dherave.

HermesNews - ©2013

Dërgo me email | Stampo artikullin