04/03/2014 09:17:58

Putin, tërheq disa trupa. Krimea ende në duart e rusëve

Komandanti i përgjithshëm i forcave të armatosura ruse, presidenti Vladimir Putin, urdhëroi trupat dhe njësitë që marrin pjesë në përgatitjet ushtarake që të kthehen në bazat e tyre të përhershme

(09:49) Kryeministri ukrainas, Arseni Jaceniuk deklaroi se republika autonome e Krimesë do të mbetej territor ukrainas dhe se Rusia ka kryer një agresion të paarsyeshëm, thuhet në faqen e internetit të gazetës gjermane ”Bild”. Në një intervistë për gazetën më të shitur gjermane, Jaceniuk deklaroi se Ukraina asnjëherë nuk do të hiqte dorë nga Krimeja. “Fqinjët tanë rusë kryen një agresion të paarsyeshëm në territorin tonë kombëtar. Republika autonome e Krimesë ka qenë, është dhe do të mbetet territor ukrainas”, theksoi Jaceniuk.

MOSKË - Presidenti rus Vladimir Putin urdhëroi, papritur, trupat ruse që po kryenin stërvitje ushtarake që prej të mërkurës së kaluar, që të tërhiqen në bazat e tyre, njoftoi dje zëdhënësi i Kremlinit, Dmitri Peskov. “Komandanti i përgjithshëm i forcave të armatosura ruse, presidenti Vladimir Putin, urdhëroi trupat dhe njësitë që marrin pjesë në përgatitjet ushtarake që të kthehen në bazat e tyre të përhershme”, deklaroi Peskov. Putin kishishte urdhëruar të mërkurën e kaluar kryerjen e përgatitjeve të trupave të njësive ushtarake të perëndimit, një teritor shumi i gjerë në kufij me Ukrainën, Bjellorusinë, vendet balltike, Finlandën dhe Arktikun, dhe njësitë ushtarake të qendrës, për të verifikuar aftësitë e tyre në luftim. Ky operacion do të zgjaste deri në 3 mars dhe mobilizoi 150 mijë ushtarë.

HermesNews - ©2014

Dërgo me email | Stampo artikullin