23/09/2014 21:54:45

Siri, me mijëra xhihadistët europianë

Këta luftëtarë vijnë shumica nga Franca, Britania e Madhe, Gjermania, Belgjika, Holanda, Suedia dhe Danimarka

BRUKSEL - Numri i xhihadistëve evropianë që janë nisur për të luftuar në Siri dhe Irak është në rritje dhe aktualisht numëron rreth 3 000 persona, deklaroi sot koordinatori evropian i luftës kundër terrorizmit, Gilles de Kerchove, që në korrik kishte shpallur se ky numër ishte rreth 2 000. Ai gjykoi se “kjo rritje e pjesëmarrjes është për shkak të përparimit në terren të Shtetit Islamik (ISIS) dhe të shpalljes së Kalifatit në rajonet e pushtuara”. “Fluksi nuk ka rënë dhe ka shumë mundësi që shpallja e Kalifatit ka pasur një farë ndikimi, vlerësimi im është se janë rreth 3 000 të rinj europianë atje”, theksoi ai. Këta luftëtarë vijnë shumica nga Franca, Britania e Madhe, Gjermania, Belgjika, Holanda, Suedia dhe Danimarka.

HermesNews - ©2014

Dërgo me email | Stampo artikullin