19/12/2013 09:23:10

Deklarata e Assad që acaroi rusët

''Nuk shoh asnjë arsye përse nuk duhet të kandidoj në zgjedhjet e ardhshme''

MOSKË - Rusia ka akuzuar sot presidentin Bashar al-Asad se po rrit tensionet në Siri me deklaratat që po bën se do të marrë pjesë në zgjedhjet e ardhshme presidenciale të vitit 2014, edhe pse që prej vitit 2011 vendi i tij është pre e një konflikti të armatosur të brendshëm.

"Deklarata të tilla veç se rrisin tensionin dhe nuk e qetësojnë aspak situatën në vend", deklaroi ish-ministri rus i Punëve të Jashtme, Mihail Bogdanov, në një intervistë për agjencinë "Interfax".

I intervistuar përsa i përket qëndrimeve të tij për çështjen elektorale, presidenti Asad u përgjigj se "nuk shoh asnjë arsye përse nuk duhet të kandidoj në zgjedhjet e ardhshme".

Bogdanov i bëri thirrje presidentit sirian dhe opozitës që të mos rrisin tensionet pak ditë përpara konferencës së paqes për Sirinë, "Gjeneva-2", e parashikuar të mbahet më 22 janar në Zvicër.

Që prej marsit të vitit 2011, rreth 126 000 persona kanë humbur jetën në Siri dhe rreth 2,3 milionë të tjerë janë strehuar në vendet fqinje, sipas Observatorit Sirian për të Drejtat e Njeriut (OSDH). Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin