05/07/2013 18:07:44

Protesta e feministes: në topless kundër Erdogan

Me minifund e taka të larta, vajza e re, e cila po dilte nga një avion që vinte nga Ankaraja, u zhvesh në hollin e mbërritjes së aeroportit Sabiha Gëkçen, duke mbajtur në dorë një pankartë në formën e një bilete avioni, ku shkruhej Erdogan, Istanbul-Kabul

STAMBOLL - Një militante e grupit feminist "Femen" protestoi sot topless në një aeroport të Stambollit kundër shtypjes së protestave antiqeveritare në Turqi. Me minifund e taka të larta, vajza e re, e cila po dilte nga një avion që vinte nga Ankaraja, u zhvesh në hollin e mbërritjes së aeroportit "Sabiha Gëkçen", duke mbajtur në dorë një pankartë në formën e një bilete avioni, ku shkruhej "Erdogan, Istanbul-Kabul". "Stambolli - Kabul për Erdoganin, lironi Turqinë", thërriti në anglisht për disa minuta militantja e ashtuquajtur Sara, përpara se të ndalohej nga dy civilë dhe një koleg i tyre në uniformë. "Lëvizja "Femen" i lutet me dashuri popullit turk të mos përkulet para shtypjes së ushtruar nga Erdogani dhe forcat e tij policore. Mos tradhëtoni idealet e revolucionit që filloi në "Taksim", citon një deklaratë e lëvizjes.

HermesNews - ©2013

Dërgo me email | Stampo artikullin