28/01/2013 08:59:51

Sondazhet në Greqi nxjerrin në vend të tretë 'Agimin e Artë'

Ekstremistët humbin terren

ATHINË - Demokracia e Re gjendet në sondazhe përpara partisë kryesore opozitare SYRIZA, treguan dy sondazhet e reja të mendimit publik në Greqi që i publikuan gazetat RealNews dhe Proto thema, ndërkohë që Agimi i artë neonacionalist tani renditet i treti.

Sipas rezultateve nga sondazhi i kryer nga kompania MRB, për Demokracinë e Re kanë votuar 23,1 për qind e të anketuarve, kundrejt 22 për qind për SYRIZA-n, 9,2 për qind ishin për Agimin e artë, 5,5 për qind për PASOK-un, 4,9 për qind për Grekët e pavarur, 4,4 për qind për DIMAR-in, ndërsa 4,3 për qind për Partinë Komuniste të Greqisë (KKE).

Sondazhi i kryer nga kompania ALKO tregoi se 24,9 për qind të grekëve janë për Demokracinë e Re, 23,4 për qind janë për SYRIZA-n, pas së cilës është Agimi i Artë me 9,7 për qind, vijojnë PASOK-u me 8,6 për qind, Grekët e pavarur' me 6,6, KKE me 5,2 për qind dhe DIMAR-i me 4,8 për qind mbështetje.

Sipas hulumtimit të kompanisë Kapa për gazetën To vima, 57,6 për qind të grekëve konsiderojnë se qeveria meriton më shumë kohë, ndërkohë që 28,9 për qind kërkojnë zgjedhje të parakohshme.

HermesNews - ©2013

Dërgo me email | Stampo artikullin