21/07/2013 09:22:21

Fundi i konfliktit Izrael - Palestinë ?

''Rifillimi i proçesit të paqes është në interes strategjik të Izraelit'', deklaroi Benjamin Netanyahu

JERUSALEM - Rifillimi i negociatave me palestinezët është në interes të Izraelit, u shpreh kryeministri në reagimin e tij të parë pas njoftimit nga Sekretari Amerikan i Shtetit, John Kerry për një marrëveshje për rifillimin e dialogut. "Rifillimi i proçesit të paqes është në interes strategjik të Izraelit", deklaroi Benjamin Netanyahu. "Është e rëndësishme që të përpiqemi t'i japim fund konfliktit mes nesh dhe palestinezëve dhe është e rëndësishme për shkak të sfidave me të cilat po përballemi, veçanërisht me Iranin dhe Sirinë", theksoi ai. Kerry njoftoi në Aman një marrëveshje, që vendos bazat për rifillimin e negociatave, pa dhënë hollësi të mëtejshme dhe duke bërë të ditur për bisedime javën e ardhshme, në Uashington, me kryenegociatorin palestinez, Saeb Erakat dhe ministren izraelite përgjegjëse për këtë çështje, Tzipi Livni.

HermesNews - ©2013

Dërgo me email | Stampo artikullin