06/01/2014 19:11:57

Fotoja që bashkoi një familje

Historia e nje fotoje qe bashkoi prinderit me te birin e humbur prej ditesh

WASHINGTON- Nicholas Simmons u zhduk nga shtëpia e prindërve të tij duke lënë pas portofolin, telefonin dhe çdo gjë tjetër. Katër ditë më vonë një fotografe e revistës Associated Press ndërkohë që po kërkonte të bënte një fotografi për të ilustruar në një mënyrë të veçantë kohën e dimrit. Ajo e shkrepi foton pranë një grili me avull ku ndodhej një djalosh.

Ditë më vonë Paul dhe Michelle Simmons, prindërit e Nick, teksa shfletonin revistën AP vunë re në foto djalin e tyre 20 vjeçar që ishte zhdukur prej katër ditësh.

Fotoja e shkrepur nga fotografja Jackuelyn Martin paraqiste Simmons me mjekër dhe veshur me një xhaketë skije dhe një kapuç teksa ngrohej tek një gril, i mbuluar nga një mbulesë gri.

Martin ishte ngarkuar të fotografonte Shtëpinë e Bardhë, por duke qenë se presidenti Obama ishte ende me pushime, ai vendosi të bëntë disa foto interesante rreth të ftohtit dimëror.

Ja si u takua rastësisht me Nick Simmons në një zonë ku zakonisht mblidhen njerëz te pastrehuar kur i ftohti bëhet i acartë. Fotografja u habit tek pa në atë zonë një djalë të ri, u prezantua me të dhe i bëri disa foto që më pas u publikuan.

Më pas policia gjeti Nick Simmons dhe e dërgoi në një spital të afërt, ku më pas mbërritën edhe i ati dhe i vëllai.

Fotografja e AP tregoi se ky episod shërben për t’i kujtuar gazetarëve se çdo person që takojnë ka një histori për të treguar. Gjithashtu ajo tha se ndihej e lumtur që me anë të artit të saj, fotografisë, kishte ndihmuar një familje të ribashkohej. Na ndiqni dhe në Facebook dhe Twitter

Daniela Vathi

Dërgo me email | Stampo artikullin