15/02/2013 10:49:19

Shi meteorësh në Rusi. Panik dhe të plagosur

Deri tani numërohen 250 të plagosur

MOSKË - Një shi meteorik shkaktuar nga shkatërrimi i një meteori mbi rajonin rus të Uraleve, shoqëruar me shpërthime të fuqishme, ka shkaktuar thyerje të xhamave në disa lokalitete, panik dhe plagosjen e të paktën 250 personave, njoftuan autoritetet dhe agjencitë e lajmeve duke cituar dëshmitarët.

Videot e hedhura në internet nga banorët tregojnë meteorët inkandeshentë duke kaluar në qiell në një lartësi shumë të ulët ndërkohë që trajektorja e tyre duket si një përplasje afër me Tokën.

Në një video tjetër, banorët, disa prej të cilëve kanë dalë nga shtëpitë e tyre, kanë verejtur të njëjtin fenomen mbi ndërtesat e tyre, ndërsa janë dëgjuar shpërthime të fuqishme.

"Një meteor u shpërbë mbi Urale duke u djegur pjesërisht në pjesën e poshtme të atmosferës. Pjesë nga meteorët kanë arritur në Tokë dhe kanë rënë në zonat e banuara në rajonin Tcheliabinsk", theksoi antena lokale e Ministrisë ruse të Situatave Urgjente në një komunikatë.

Sipas të njëjtit burim valët e tronditjes janë thyer xhamat e dritereve të kateve të sipërme të ndërtesave. Ministria e Situatave të Urgjencës theksoi se kishte mobilizuar 20 000 persona dhe se tre avionë po inspektojnë territoret.

"Nuk ka pasur evakuime të popullsisës dhe niveli i radioaktivitetit është regjistruar në normë'', thanë burime të ndryshme.

HermesNews - ©2013

Dërgo me email | Stampo artikullin