07/06/2013 12:16:17

Erdogan, protestat qenë antidemokratike

Ulur në një autobus në shoqërinë e bashkëshortes dhe një pjese të mirë të qeverisë, Erdogan theksoi se nuk e ndjente veten pronar të Turqisë, po shërbëtor të saj

STAMBOLL - Kryeministri turk Recep Tayyip Erdogan kërkoi, pas rikthimit në Turqi, përpara mijëra përkrahësve të tij ndalimin e menjëhershëm të protestave. Pasi mbërriti gjatë natës në aeroportin e Stambollit pas tre ditëve turne në Maghreb, kryeministri turk denoncoi anarkistët dhe ekstremistët që manifestojnë në rrugët kryesore të qytetit dhe urdhëroi ndalimin e menjëhershëm të kësaj lëvizjeje.

"Bëj thirrje t'u jepet menjëherë fund protestave, të cilat e humbën karakterin e tyre demokratik duke u kthyer në akte vandalizmi", ka theksuar ai përpara turmës së simpatizantëve të tij. Këta të fundit mbanin flamurë kombëtarë duke hedhur parrulla si "Jemi gati të vdesim për ty, Tayyip" e tjerë.

Ulur në një autobus në shoqërinë e bashkëshortes dhe një pjese të mirë të qeverisë, Erdogan theksoi se nuk e ndjente veten pronar të Turqisë, po shërbëtor të saj. Ai falenderoi simpatizantët e tij për mbështetjen e dhënë në këto momente të vështira. "Ju jeni të qetë dhe të përgjegjshëm", shtoi Erdogan.

HermesNews - ©2013

Dërgo me email | Stampo artikullin