07/05/2014 13:15:19

''Europa përkrahu fashistët''

Lavrov: ''ajo që ndodhi në Odesa më 2 maj erdhi si pasojë e fashizmit të pastër dhe të thjeshtë''

MOSKË - Ministri rus i Punëve të Jashtme, Serguei Lavrov akuzoi sot europianët se po mbyllin sytë për rritjen e "fashizmit" në Ukrainë duke përmendur vdekjen e 40 pro-rusëve në jug të vendit. “Kjo ka bërë që për shumë vite të mbyllen sytë në Europë mbi faktin që ideologjia fashiste po tërheq mbështetës të rinj dhe që promotorët e saj po përfshihen gjithmonë e më shumë në doktrinat e reja”, deklaroi Lavrov gjatë një ceremonie me rastin e së fitores së vitit 1945 mbi regjimin nazist. "Ajo që ndodhi në Odesa më 2 maj erdhi si pasojë e fashizmit të pastër dhe të thjeshtë", shtoi ai.Rreth 40 persona, kryesisht pro-rusë, humbën jetën të premten e kaluar në një ndërtesë zyrtare në Odessa, qytet portual në jug të Ukrainës.“Ne nuk do të lejojmë fshehjen e fakteve, ashtu siç po tenton të bëjë aktualisht koalicioni në pushtet”, theksoi shefi i diplomacisë ruse duke premtuar zbulimin e së vërtetës. Bashkimi Evropian kërkoi javën e kaluar ngritjen e një hetimi të pavarur për identifikimin e përgjegjësve të dhunës. Ndërkohë kryeministri ukrainas, Arseni Jaceniuk konfirmoi se kjo dramë bën pjesë në planin rus për shkatërrimin e Ukrainës.

HermesNews - ©2014

Dërgo me email | Stampo artikullin