09/09/2013 18:20:51

Amerikanët nuk e duan luftën në Siri

Sipas një sondazhi të kryer nga CNN/ORC International me 1 022 persona, 59 për qind e tyre nuk dëshirojnë që Kongresi të miratojë rezolutë

WASHINGTON - Gjashtë nga 10 amerikanë shprehen kundër një ndërhyrje ushtarake në Siri, edhe pse shumica e konsiderojnë regjimin e presidentit Bashar al-Assad përgjegjës për sulmet kimike kundër popullit të tij, sipas një sondazhi të publikuar sot.

Sipas një sondazhi të kryer nga CNN/ORC International me 1 022 persona, 59 për qind e tyre nuk dëshirojnë që Kongresi të miratojë rezolutën, që autorizon ndërhyrjen ushtarake në Siri, madje edhe të kufizuar.

Më tepër se shtatë nga 10 persona theksojnë se ndërhyrja nuk do të ishte në interes të SHBA-së. Edhe në qoftë se Kongresi do të autorizonte ndërhyrjen, 55 për qind e personave të pyetur do të kundërshtonin një operacion kundër Sirisë. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin