01/03/2013 18:36:18

Berlin, zbulohen substanca kancerogjene në ushqime

10 000 ton misër i kontaminuar nga Serbia u shpërnda për 13 prodhues ushqimorë në shtetin rajonal të Saksonisë së Poshtme

BERLIN - Një toksinë kancerogjene, jashtë limiteve të lejuara, u zbulua në prodhimet e misrit, livruar në më shumë se 3 500 ferma bujqësore gjermane, theksuan sot autoritetet që e cilësojnë si të pamundur rrezikun për konsumatorin.

''Rreth 10 000 ton misër i kontaminuar që vinte nga Serbia u shpërnda për 13 prodhues ushqimorë në shtetin rajonal të Saksonisë së Poshtme, që e përdorin për prodhimin e ushqimit për viçat, derrat dhe pulat'', theksoi ministria e Bujqësisë në shtetin rajonal të Saksonisë së Poshtme, në një komunikatë.

''Këta prodhues kanë furnizuar 3 560 ferma bujqësore, në Saksonisë e Poshtme dhe 14 të tjera të vendosura në shtetin rajonal fqinj, Vestfalia Veriore, me këtë ushqim'', shtoi ai. "Një pjesë më e vogël është shpërndarë në rajonet e tjera rajonale gjermane dhe në Holandë'', theksoi i njëjti burim.

Ministria rajonale, që nisi kontrollet në fermat përkatëse, e cilësoi si të pamundur një rrezik për konsumatorin, gjithashtu dhe për qumështin dhe për mishin që vjen nga kafshët që ushqehen me këto prodhime.

HermesNews - ©2013

Dërgo me email | Stampo artikullin