26/06/2013 10:28:40

Siri, NGO publikojnë humbjet e jetëve njerëzore

Mes civilëve të vrarë figurojnë 3 330 gra dhe 5 144 fëmijë nën moshën 16 vjeç

BEJRUT - Më tepër se 100 000 sirianë, kryesisht civilë, kanë vdekur në Siri, që nga fillimi i revoltës kundër regjimit të presidentit Bashar al-Assad, bëri të ditur sot Observatori Sirian për të Drejtat e Njeriut (OSDH). "Numri i civilëve të vrarë është 36 661, ai i kryengritësve 18 072 dhe ai i ushtarëve 25 407", theksoi OSDH. Mes civilëve të vrarë figurojnë 3 330 gra dhe 5 144 fëmijë nën moshën 16 vjeç. Mes kryengritësve të vrarë figurojnë 13 539 civilë të armatosur, 2 518 luftëtarë të huaj dhe 2 015 dezertorë. Trupat e regjimit mbështeten nga milicitë, që kanë humbur 17 311 anëtarë dhe nga luftëtarët e lëvizjes të Hezbollahëve shiitë libanezë, që kanë humbur 169 persona. OSDH theksoi gjithashtu se 2 571 të vdekur nuk janë identifikuar dhe se gjendja e mbi 10 000 të burgosurve mbetet ende e panjohur.

HermesNews - © 2013

Dërgo me email | Stampo artikullin