04/12/2013 18:02:14

Vidhet makina me lëndë radioaktive

Automjeti i bardhë i tipit 'Volkswagen' transportonte material mjekësor drejt një qendre grumbullimi të mbetjeve radioaktive kur është vjedhur të hënën në një pikë karburanti në Tepojaco

MEKSIKO - Autoritetet meksikane jane në gjendje alarmi në përpjekje për të gjetur një kamion të vjedhur pranë Meksikos me një ngarkesë radioaktive tepër të rrezikshme në bord, që, nëse bie në duar të pasigurta, mund të shërbejë për prodhimin e një "bombe të pistë" (bombë konvencionale e rrethuar me materiale radioaktive që përhapen në atmosferë gjatë shpërthimit dhe që ka për qëllim jo të shkatërrojë, por të infektojë një zonë gjeografike dhe personat që ndodhen pranë saj me rreze radioaktive të drejtpërdrejta ose nga thithja e materialeve radioaktive - shën. përkth.). ''Automjeti i bardhë i tipit ''Volkswagen'' transportonte material mjekësor drejt një qendre grumbullimi të mbetjeve radioaktive kur është vjedhur të hënën në një pikë karburanti në Tepojaco, në Hidalgo, rreth 50 kilometra në veri të Meksikës'', njoftoi Komisioni Kombëtar Meksikan i Sigurisë Bërthamore (CNSNS). Sipas autoriteteve bërthamore, materiali që gjendet në kamion "nuk përbën asnjë rrezik përsa kohë nuk i hiqet mbrojtësja ose nuk dëmtohet", por, CNSNS u këshillon "kujtdo që mund ta ketë marrë ngarkesën ose që do ta gjejë atë të mos e hapë e as të mos e dëmtojë, pasi kjo do të shkaktonte pasoja të rënda shëndetësore". Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin