04/01/2014 15:33:17

Facebook: sa janë të sigurta mesazhet private?

Rrjeti social Facebook është akuzuar për shitje të mesazheve private që përdoruesit shkëmbejnë mes tyre

HermesNews - Rrjeti social Facebook është akuzuar për shitje të mesazheve private që përdoruesit shkëmbejnë mes tyre. Akuzat e para vijnë nga dy përdorues amerikan Matthew Campbell dhe Michael Hurley sipas të cilëve kur një përdorues i këtij rrjeti social vendos një link në një mesazh privat të shkëmbyer me dikë tjetër, ky informacion regjistrohet nga grupi duke përkufizuar aktivitetin në web të dërguesit. Akuza u lançua në emër të të gjithë përdoruesve amerikan të cilët komunikojnë përmes mesazheve private. Janë të përfshirë miliona njerëz, pasi vetëm në Shtetet e Bashkuara përdoruesit e Facebook-ut janë 166 milion. Përmbajtjet e mesazheve të regjistruara, sipas akuzuesve, shiten më pas nga rrjeti i Mark Zuckerberg duke sjellë përfitime të majme. Pronarët e Facebook-ut iu përgjigjën akuzave duke thënë se janë të pabazuara. Na ndiqni dhe në Facebook dhe Twitter

Daniela Vathi

Dërgo me email | Stampo artikullin