28/01/2013 12:59:31

Clinton mund te kandidoje serish

'Jam ende sekretare shteti, jam jashtë politikës dhe nuk kam të drejtë të flas për këto çështje, për zgjedhjet e ardhshme amerikane', deklaroi Clinton

WASHINGTON - Sekretarja amerikane e Shtetit në largim, Hillary Clinton i ka lënë mundësitë e hapura për një kandidaturë të mundshme në zgjedhjet presidenciale 2016, në njëintervistë të përbashkët me presidentin amerikan, Barack Obama, publikuar dje në mbrëmje nga stacioni televiziv CBS.

"Jam ende sekretare shteti, jam jashtë politikës dhe nuk kam të drejtë të flas për këto çështje, për zgjedhjet e ardhshme amerikane'', deklaroi Clinton Clinton në emisionin "60 minuta", disa ditë nga dorëzimi i postit në Departamentin e Shtetin John Kerryt.

''Por, presidenti dhe unë, shqetësohemi shumë për të ardhmen e vendit dhe mendoj që as ai, as unë nuk mund të bëjmë predikime se çfarë do të ndodhë nesër apo vitin e ardhshëm'', shtoi Clinton, përkrah Obamës.

"Dëshiroj t'i them publikisht faleminderit sepse besoj se Hillary do të mbetet një prej sekretareve më të mira të Shtetit, që ne kemi pasur. Ne kemi pasur një bashkëpunim të mirë këto katër vitet e fundit, ajo do të më mungojë'', theksoi Obama duke përsëritur se do të kishte dashur që ajo të qëndronte në postin e saj dhe për një mandat të dytë.

HermesNews - ©2013

Dërgo me email | Stampo artikullin