12/05/2014 15:50:04

Lajmi që mund të zbusë situatën në Ukrainë

Kremlini deklaroi sot në mëngjes se respekton shprehjen e vullnetit të referendumit në Ukrainë, por nuk e ka njohur fomalisht atë

BRUKSEL - Presidenti i OSBE-së, Didier Burkhalter vërejti sot se Rusia nuk e ka njohur formalisht rezultatin e referendumit të organizuar në lindje të Ukrainës, por thjesht ka treguar se e respekton. "E patë përgjigjen e Rusisë sot në mëngjes ? Ajo shprehte respekt, por jo një njohje të referendumit. Pra nuk bëhet fjalë për një njohje të rezultateve, çka është më e rëndësishmja", deklaroi Burkhalter në përfundim të një mbledhje me ministrat e Punëve të Jashtme të BE-së në Bruksel.“Kremlini deklaroi sot në mëngjes se respekton shprehjen e vullnetit të popullsive të rajoneve të Donetskut dhe Luganskut”, shkruhej në një komunikatë të Kremlinit. Moska ka shtuar gjithashtu se shpreson të ketë një dialog mes rajoneve separatiste dhe Kievit.

HermesNews - ©2014

Dërgo me email | Stampo artikullin