03/01/2014 13:27:25

Turqia e ashpër me oficerët e akuzuar për komplot kundër Erdogan

''Askush nuk duhet të presë një amnisti të përgjithshme. Nuk e kemi në plan'', tha zv.kryeministri Bülent Arinç

ANKARA - Qeveria turke nuk parashikon ndonjë amnisti të përgjithshme për qindra oficerët e dënuar në proceset e fundit për komplot kundër regjimit të kryeministrit islamo-konservator Recep Tayyip Erdogan, njoftoi sot zëdhënësi i saj. "Askush nuk duhet të presë një amnisti të përgjithshme. Nuk e kemi në plan", deklaroi zëvendëskryeministri Bülent Arinç për shtypin, duke këmbëngulur në nevojën e respektimit të së drejtës për një "proces të paanshëm". Deklaratat e Arinç vijnë pas publikimit në shtyp të një ankese të Shtabit të Përgjithshëm të forcave të armatosura turke (TSK) ku kërkohej rishikimi i dy proceseve të bujshme që dërguan ne burg në vitet 2012 dhe 2013 qindra oficerë, me motivin se provat e përdorura kundër tyre kanë qenë të sajuara. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin