28/02/2013 10:09:09

Benedikti XVI-të sot lë Papatin

Papa Benedikti XVI bëri publike dje testamentin e tij shpirtëror duke shpjeguar se nën papatin e tij kisha ka përjetuar momente të vështira

(18:20) Benedikti i XVI është larguar pak minuta më parë nga Vatikani. Një helikopter me në bord Klerikun e Lartë, i cili ka dhënë dorëheqjen nga detyra e tij, është larguar nga Qyteti i Vatikanit për t'u drejtuar për në rezidencën verore të krerëve të Kishës Katolike, pallatin ''Castel Gandolfo''. Personeli i pallatit të Papës dhe prelatët e Vatikanit, të cilët ishin të pranishëm në oborrin e Shën Damakut e kanë përshëndetur një duartrokitje të gjatë largimin e automejtit të Benediktit të XVI, që e çoi Klerikun e Lartë në sheshin ku e priste helikopteri i tij, që menjëherë pasi ai hipi në bord u nis drejt 'Castel Gandolfo'.


VATIKAN - Përfundon sot papati i Benediktit XVI, i cili më 11 shkurt njoftoi dorëheqjen nga froni i Pjetrit, ndërkohë që ky fron mbetet bosh duke filluar nga ora 20:00. Papa Benedikti XVI bëri publike dje testamentin e tij shpirtëror duke shpjeguar se nën papatin e tij kisha ka përjetuar momente të vështira. Takimi i lamtumirës është parashikuar për në orën 11:00 në sallën Klementina, ku do të marrin pjesë shumë kardinalë. Pasdite, në orën 17:00, papa do të largohet nga Vatikani me helikopter për në kështjellën Gandolfo. Në orën 20:00 shenja e vetme e përfundimit të papatit të tij do të jetë mbyllja e derës së kësaj kështjelle dhe largimi i rojave zvicerane për në Vatikan. Një Papë përballë skandaleve

HermesNews - ©2013

Dërgo me email | Stampo artikullin