17/06/2013 11:56:22

Vritet polici rrugor në Greqi

Sipas të njëjtit burim, polici, 37 vjeç, u transportua menjëherë për në spitalin e Livadhjasë, ku nuk arriti të mbijetonte

ATHINË - Një polic rrugor u vra sot me armë zjarri afër fshatit Dhistomo, 160 kilometra larg Athinës, pasi u kërkoi dokumentet pesë personave, sipas një burimi zyrtar të policisë. Sipas të njëjtit burim, polici, 37 vjeç, u transportua menjëherë për në spitalin e Livadhjasë, ku nuk arriti të mbijetonte. Pesë personat në automjet, të armatosur me kalashnikov, kanë qëlluar drejt forcave të policisë. Autoritetet nuk përjashtojnë hipotezën se të dyshuarit mund të jenë pjesë e grupit të 11 personave të arratisur nga burgu i Trikalas, 300 kilometra në veri të Greqisë.

HermesNews - © 2013

Dërgo me email | Stampo artikullin